Сабақ тақырыбы : Бақыт сыры Сабақ мақсаты



жүктеу 87.08 Kb.
Дата03.07.2016
өлшемі87.08 Kb.
түріСабақ
«Тарбағатай колледжі» коммуналдық мемлекеттік мекемесі

Информатика пәнінің оқытушысы: Қайрбаева Маржан Нурбековна
Шығыс Қазақстан облысы, Тарбағатай ауданы, Ақсуат ауылы


Cабақ жоспары
Пәні ___Өзін - өзі тану _________Курс____ІІ «Б»_____ Сабақ реті __14_________
Сабақ тақырыбы:_____Бақыт сыры______________________________
Сабақ мақсаты:
1. Білімділік мақсаты: Оқушыларға «бақыт» ұғымын түсіндіру, бұл

ұғымның кең екенін, бақытты бол білуідің маңызын ұғындыру



2. Дамытушылық мақсаты: Бақытты сезіне білуге, біреуге сыйлай білуге үйрету
3. Тәрбиелік мақсаты : Оқушылардың өз ойларын жеткізе білуіне ықпал жасау

Сабақ түрі : Аралас сабақ
Сабақтың көрнекілігі: Нақыл сөздер, слайд, сурет, шар, гүл, жүрекше
Пән аралық, пәнішілік байланыс: Бақыт алда тұрған арман, мақсат
Сабақ барысы

Ұйымдастыру кезеңі - 2 мин

Үй тапсырмасын тексеру, қайталау - 8 мин

Шаттық шеңбері – 5 мин

Әңгімелесу сұрақтары - 5 мин

Сыр сандық танымдық ойын – 10 мин

Дәптермен жұмыс – 5 мин

Түйіндеме – 5 мин

Жүректен – жүрекке – 3 мин

Үйге тапсырма беру- 2 мин



Сабақтың барысы

Ұйымдастыру кезеңі Оқушылардың сабаққа дайындығын тексеру

Сабақ мақсатын айту


Үй тапсырмасын тексеру, қайталау

Сахналау
М.Шахановтың «Күре тамырды іздеу» поэмасынан қойылған үзіндіні тамашалауға шақырамын.
Жастық шақ пен ақын шеткері тұрып сахнаға қарайды. Өрімдей жас жігіт өз Бақытының (Бақыт қыз бейнесінде) соңынан келеді.


Жігіт: (сағынышпен)

- О, Бақыт!

Бар адамға өтімдісің сөйлесең,

Баянсыз да секілдісің кейде сен.

Сені көру еді менің арманым,

Іздеп келем, іздеп келем талмадым.

Іздеп келем әлі күнге жолдамын.

Тым құрыса, қонағым да болмадың.

Шаттығым да, қайғым да өзің күрсінсем,

Айтшы маған қай биікте жүрсің сен?



Бақыт:

Есіңде ме аяулы анаң, қарт анаң,

Нан пісірді саған арнап арпадан.

Жер шырынын ұлым татсын деп еді,

Бірақ сенің оны жегің келмеді.

Жауар бұлттай қабағыңды түсіріп,

Арпа нанды қойдың былай ысырып.

Оранып зор мейірімінің отымен,

Сонда саған анаң боп тіл қатып ем.

Нан бергенім шақырғаным еді ғой,

Егістікте сені күтіп жатып ем.

Жігіт:

Ол күні емес, ертесіне барғанмын,

Сонда мені неге күтіп алмадың?

Бақыт:

Сенен бұрын келіп жеткен біреудің,

Арбасына мініп кетіп қалғанмын.

Жігіт:

О, Бақытым, бала кезден аңсаған,

Қалай айтсам екен мұны мен саған.

Бір күні үйде отыр едім ерігіп,

Сені маған көшеде жүр деді жұрт.

Мен көшеге шықтым жылдам жүгіріп,

Жан-жағыма қарап едім үңіліп,

Таба алмадым іштей ойға малтыдым,

Сен сол күні қайда болдың, жарқыным?

Бақыт:

Ха-ха-ха!

Маған адал болғанымен тілегің,

Аңғармайсың, аңғал сенің жүрегің,

Саған жолда сәлем берген бір қыздың

Жанарына жасырынып тұр едім.

Бала кезгі өрлігіңді қайталай,

Басыңды изеп, өте шықтың байқамай.

Ха-ха-ха! (Бақыт ғайып болғанымен, көпке дейін күлкісі естіліп тұрады.)

Сұрақ:

1. Бақыт пен жігіттің көрінісінен не байқадыңдар ?

2. Жігіт бақытын тапты ма?

Жаңа сабақ: Тақырыбы: «Бақыт сыры»

Оқушыларды шаттық шеңберіне шақырып, бақыт жайлы өздеріне жақын әнді орындату.



І – Бөлім. Шаттық шеңбері:
«Бақыт сыры» өлеңі

Сөзі Қ.Жүнісовтікі

Әні Б.Жолдасқызынікі
Балғын дәурен, балауса кезің қандай,

Гүл бағында балқиды сезім балдай.

Құрбым, осы бақытты сезіне алмай,

Кейін налып жүрмейік, кезіге алмай.

Қайырмаасы

Жүрегімде махаббат ән тербейтін,

Бағалайық бақытты, жан тербейтін.

Мұңға батып қалмасын, көңіл бекер,

Оралмайды, жан құрбым, өмір кетер.
Арманның мекені алыстап кетеді,

Жастығың өтеді қас қағымда...

Бақ нұры таймасын, көңілің сайрасын,

Өмірің жайнасын жас шағында.
ІІ – Бөлім. Ойланайық, пікірлесейік

Оқушылармен бүгінгі тақырыпты аша түсу үшін әңгімелесу әдісі ұсынылады.



Әңгімелесу сұрақтары:

·        «Адам бақыт үшін жаралған» деген пікірмен келісесіңдер ме? Неліктен?

·        Адамның әрқашан бақытты болуы мүмкін бе?

·       
Неліктен бақытты құсқа теңейді?

·        Балалар қай кезде бақытты болады?

·        Бақытты сәттеріңіз жиі болып тұрады ма?

·        Жер бетіндегі барлық адамдарға ортақ бақыт болуы мүмкін бе?
ІІІ – Бөлім. Сыр сандық танымдық ойын

І. Есенберлиннің «Бақыт сыры» шығармасында айтылған пікірлерге сүйене отырып, оқушылар бақытты болу сырларымен таныстырады.


Бақыттың он сыры:

Өмірдегі ең қалаулы нәрсесі не екенін кез келген адамнан сұраңызшы. Ең көп таралған жауап: «Мен тек бақытты болғым келеді». Сондай-ақ біз бәріміз сол үшін бұл дүниеге келгенбіз. Бірақ бақыт деген не? Шынайы бақыт біздің өмірімізде жабырқау мен қайғы-қасіреттің болмауында емес, қуаныш пен қанағатты сезіне біліп, өмірге шаттануда. Адам өмірде бақытты бола алады, болуы да керек, тек оны қатты аңсауы және бақыттың кейбір дана сырларын білуі керек.



Шынайы бақыттың бірінші сыры-көзқарас күші.

Осы сәттен бастап өз өмірімнен тек жақсылық іздеймін. Мен өз пейілімді, ақыл-ойымды тек өзімді бақытты сезінуге бағыттаймын. Менің бақытты немесе бақытсыз болуым сыртқы жағдайларға емес, өз ойыма, көңіл күйіме байланысты. Ендеше мен өз ойымды, яғни өз бақытымды басқара аламын.

Шынайы бақыттың екінші сыры-дене күші

Бұған айтар дауым жоқ. Сергек көңіл, ширақ дене өзімді бақытты, сезінуіме көмектеседі.

Шынайы бақыттың үшінші сыры-бір сәттік өмір күші.

Не туралы ойласам да, не істесем де, өмірімнің әр сәтіне: берумен сөйлессем-сол адамға, жұмыс істесем-сол нысанға; жолдан өтсем-машинаға көңіл бөлем.

Шынайы бақыттың төртінші сыры-өзін-өзі тану күші.

Өзім туралы жаман ойдан арылу үшін:

басқалардың айтқаны әділ екендігіне анықтаймын, егер оған негіз болса, өзімнің теріс жақтарымды өзгертемін;

күнбе-күн болашақта өзімнің қандай адам болатындығым туралы жақсы ойлармен өзімді-өзі сендіремін;

не үшін өзіме-өзім ұнаймын, не үшін өзімді-өзім сыйлаймын деген сауалдар қоямын.



Адам баласының ең ғажап қасиеті-әрқашан дұрыс сұраққа дұрыс жауап бере алуында

Шынайы бақыттың бесінші сыры-мақсат күші


Мақсаттар өмірімнің қиын кезеңдерін неғұрлым жеңіл, жеңіл кезеңдерін одан да жарқын етеді. Ол өміріме мән мен мағына береді. Менің таңертең төсектен риза болып тұруыма түрткі болады

Шынайы бақыттың алтыншы сыры-шаттық күші.

Өмірді қызық жағынан қабылдай білсем, өз бақытымды сезіне аламын.

Ұсақ нәрселер үшін мазамды алмаймын. Өмірімнің көпшілігі осы ұсақ-түйектен тұратынын есіме сақтаймын.

Шынайы бақыттың жетінші сыры-кешірім күші.

Қателіктер мен сәтсіздіктер менің өміріме сабақ болады. Өзгелерді де, өзімді де кешіре білемін.
Шынайы бақыттың сегізінші сыры-сыйлық күші

Өзіме бір нәрсе алып бақытқа бөлене алмаймын, қуануым мүмкін. Менің бақытым басқаларға беріп, көмектесуімде. Басқаларды көбірек бақытты етсем, менің бақытым шексіз болады.

Шынайы бақыттың тоғызыншы сыры- қарым-қатынас күші.

Өмірімнің жақсы болуы адамдармен қарым-қатынасыма, сыйластығыма байланысты. Мен достарымның, таныстарымның көп болғанын қалаймын.Біреумен бөліскен қуаныш-екі мәрте қуаныш, ал біреумен бөліскен реніш-жарты реніш.

Шынайы бақыттың оныншы сыры-сенім күші

Мен өзіме, өз жақындарыма, достарыма, болашағыма сенемін
·        Өздерің осы тұжырымдардың барлығымен келісесіңдер ме?

·        Бақыттың тағы қандай сыры бар деп ойлайсыңдар?


ІҮ –Бөлім. Дәптермен жұмыс

Бақыттың түрлері оның адам өмірінің сан салалы көрінісінде танылатыны аңғарылады. Оқушыларға беріліп отырған осы ойды жалғастыру ұсынылады.

Сәби бақыты, ол - ...

Әйел бақыты, ол - ...

Ер-азамат бақыты, ол - ...

Ата-ана бақыты - ...

Дәрігер бақыты, ол - ...

Ұстаз бақыты, ол - ...

Ұлт бақыты, ол - ...

Қоғам бақыты, ол - ...




Дәйексөз.
«Меніңше, адамның ең бір үлкен бақыты – күресе білу, қуана білу, жұмыс істей білу және басқалардан қалыспай, өмірге ілесе білу»

В.Н.Терешкова


Өзін-өзі білген-ер бақытты,

Өзін-өзі билеген-ел бақытты.

Халық мақалы



Ү – Бөлім. Түйіндеме

Оқушылардан ұсынылып отырған «Бақытты адамның ұстанымдарынан» жанына жақынын таңдап алып,бүгінгі ашық сабаққа байланысты өз ойларын түйіндеп айту ұсынылады.

  ·        Бақыт деген – адамдар үшін өмір сүру және оларды бақытты ету.

·       Бақыт – бұл жаныңа жақын істі таңдап алу және шығармашылықпен еңбектену.

·        Бақыт – достарыңмен, жаныңа жақындарыңмен араласу.

·        Бақыт – қызықты өмір үшін барлық қажеттінің болуы.

·        Бақыт – денсаулығыңның мықты болуы және өзіңнің, айналаңдағылардың денсаулығына қамқорлық жасай білу.

·        Бақыт - әр күннің нұрлы шуағын сезіну.



Сабақта балалардың эмоционалдық жағдайын анықтау. (күншуақ)



Сіздердің столдарыңызда күннің суреті жатыр, оның бетіне қараңыз, сол және оң жақ беті әртүрлі: сол жақ қуаныштың белгісі, оң жақ көңілсіз. Егер сіздерде сабақтан кейін жақсы көңіл-күйлеріңіз қалса, онда сол жақ бетіне айшық суретін салыңыз. Егер жоқ болса, оң жағы.


Барлық жұмыстарыңызға рахмет!


ҮІ – Бөлім. Жүректен жүрекке
Жүректен жүрекке айдарында оқушылар шеңбер құрып тұрады да, музыка ырғағымен бір-біріне деген ыстық лебіздері мен жақсы тілектерін айтып, бақыт тілейді.
Бақыт деген-сенің бала күндерің

Бақытсыз-ақ бақытты боп жүргенің,

Бақытың да, басқасын да білмеуің

Бақытсыз-ақ ойнағаның-күлгенің.

 
Бақыт жайлы менің мынау білгенім.



Бақыт деген-бірде шаттық, бірде мұң.

Бақытты сол-тәрік етіп түндерін,

Бақыт іздеп азаптанса, кімде-кім.

 
Бақыт деген-әркімдерде бір арман,



Сол арманның шыққан жері құмардан.

Ал сен үшін бақыт деген-дәл қазір,

Бақыт жайлы жаза алмаған шығармаң.
М.Мақатаев

Үйге тапсырма: Әбу Насыр әл-Фараби «Бақыт жолын сілтеу» үзіндісін оқып келу.

5 – 6 сабақ. Бет. 22 – 30. «Өзін -өзі тану»


Ж.Б.Қажығалиева. Е.Сағымбаев


Пайдаланынылған әдебиеттер:

  1. Өзін - өзі тану. Ж.Б.Қажығалиева.

2. Мұғалімдерге арналған әдістемелік құрал. 11 сынып

3. Журнал. «Самопознания» 2011 жыл

«Тарбағатай колледжі» коммуналдық мемлекеттік мекемесі





Өткізген: Қайрбаева.М
Ақсуат ауылы

2012 – 2013 оқу жылы




: ld
ld -> Сабақ тақырыбы, мақсаты Сабақ үрдісінде қолданылатын модульдер, әдіс-тәсілдер Сабақтың нәтижесі
ld -> Сабақтың мақсаты: Білімділік: оқушыларға қарсы мәндес сын есімдердің жасалу
ld -> Сын есімнің сөйлемдегі қызметі
ld -> Сабақтың тақырыбы: Әбділда Тәжібаев.
ld -> Қазақ мемлекеттік қыздар
ld -> 1. Отбасын таныстыру. Қай істеде өнер қолдан өнерлі адам жеңер болған
ld -> Мұқағали Мақатаев поэзиясының көркемдік жүйесі Опечатка
ld -> Сабақтың тақырыбы: Ана өмір гүлі




©tilimen.org 2017
әкімшілігінің қараңыз

    Басты бет