Сабақтың тақырыбы : Біз осындай баламыз Оқыту мен тәрбиелеудің міндеттері



жүктеу 0.52 Mb.
бет1/3
Дата01.07.2016
өлшемі0.52 Mb.
  1   2   3
Өзін- өзі тану . 2-сынып.1-тоқсан

1тарау. Өзін-өзі тану бақыты.

1-ші сабақ. 1-ші қыркүйек.2010- жыл.

Сабақтың тақырыбы: Біз осындай баламыз

Оқыту мен тәрбиелеудің міндеттері:

  • -2-сыныпқа арналған «Өзін-өзі тану»пәнінің мазмұнымен таныстыру;

  • -өзін және айналасын тануға деген қызығушылықтарын арттыру;

  • -ізгілікке тәрбиелеу.

Мақсаты: «Өзін-өзі тану» адамгершілік құндылығы туралы түсініктерін кеңейту.

Көрнекі құралдар: үнтаспа,сюжетті суреттер.

Шаттық шеңбері

-Қош келдіңдер, балалар!Міне жазғы демалысымызда аяқталып,жаңа оқу жылы басталды.Балалар, енді сендер екінші сынып оқушысысыңдар.Ер жетіп,ақылдарыңа ақыл қосылды.Сендерді алда қызығы мен шаттығына,жақсылығы мен жаңалығына толы «Өзін-өзі тану»сабақтары күтіп тұр.Олсабақтарда өз бойларыңдағы жақсы қасиеттерің мен жаңа мүмкіншіліктеріңді білетін боласыңдар,сондай-ақ адами қарым-қатынаста шыншылдықпен танылып,адамгершілік құндылықтар мен денсаулықты бағалай білесіңдер.Табиғат перзенті,Отан ұланы екндеріңді мақтан тұтасыңдар.



Сабақтың жақсы көңіл-күймен басталуы үшін,оқушыларға шеңбер айналасында көңілді ән айту ұсынылады:

Жас дәуірдің түлегіміз

Сөзі:Е.Өтетілеуов Әні:И.Нүсіпбаев

Бау,бақша,белдер, Көңілді ауыл,қаламыз.

Орман,тау,көлдер- Қайырмасы:

Көрікті шексіз даламыз. Жадырап күндей,

Дәулеті тасқан, Жайнаған гүлдей-

Сәулеті асқан- Бақытты біздер баламыз!(2 рет)

Өзіміз туған, Жалықпай оқып,

Көбелек қуған- Көңілге тоқып-

Өлкеде өсіп,толамыз. Білімді аджам боламыз.

Тапсырма Оқушыларға суреттерге қарап, «Менің жазғы демалысым»тақырыбына әңгіме құрастыру.

Әңгімелесу Оқушылардың ,өзін-өзі тану сабақтарына қызығушылықтарын арттырып,оларды танып білуге баулу мақсатында әңгімелесу әдісі қолданылады.


  • Өзін-өзі тану сабақтарында не үйрендіңдер?

  • Өзіңе,өзгеге,табиғатқа құрмет дегенді қалай түсінесіңдер?

  • Өз бойыңда қандай қасиеттер болғанын қалайсың?

Жаңа ақпарат Оқушылар оқулықтан «Өзін-өзі тану сабақтары арқылы өзін,басқа адамдарды және қоршаған ортаны тани алады.Сүйіспеншілік,отбасы,жақсылық,достық,бақыт,білім сияқты құндылықтармен танысады» деген жаңа ақпаратты оқу.

Мәтінмен жұмыс Оқушылардың «Өзін-өзі тану»пәні туралы білімдерін дамыту мақсатында өлең оқылады. «Мен қандаймын?», «Жақсы болу- өзіңнен»-деген өлең жолдарындағы ойларды айқындай түсу үшін сұрақ қоюға болады.

Өзіңді тану. Ө.Ақыпбеков

Тапсырма Тапсырма бойынша оқушылар суреттегі алма ағашында көрсетілген өзін-өзі танудан үйренген құндылықтар туралы түсініктерін айтып береді.

Дәптермен жұмыс Оқушыларға дәптермен жұмысты орындау жолдарын түсіндіру.Тапсырма: Кіші шеңберлердің ішінднгі әрәптерден мейірім,қамқорлық,тазалық,денсаулық,рахмет,кешіріңіз деген сөздерді құрап жазу.

Жүректен жүрекке Балалар шеңберге жиналып ән салады.

Біз бақытты балдырғандар.

Сөзі:М.Әлімбаев

Әні:Ө.Байділдаев

Өзін- өзі тану . 2-сынып

2-ші сабақ. 8 – ші қыркүйек.2010- жыл.

Сабақтың тақырыбы: Біз осындай баламыз

Оқыту мен тәрбиелеудің міндеттері:


  • -2-сыныпқа арналған «Өзін-өзі тану»пәнінің мазмұнымен таныстыру;

  • -өзін және айналасын тануға деген қызығушылықтарын арттыру;

  • -ізгілікке тәрбиелеу.

Мақсаты: «Өзін-өзі тану» адамгершілік құндылығы туралы түсініктерін кеңейту.

Көрнекі құралдар: үнтаспа,сюжетті суреттер.

Шаттық шеңбері Балаларды шеңберге шақыру.Олармен бірге қосылып Б.Жақыптың«Біз бақытты баламыз!»әнін айту.

Дәйексөз ТақтағаА.Пивеннің «Өзіңді тыңдағанда ғана өзгені білесің»деген нақыл сөз жазылады.

Мәтінмен жұмыс Оқушыларға сабақ тақырыбын кеңірақ түсіндіру мақсатында әңгіме оқу ұсынылады.Әңгімеде өздері сияқты балалардың жазғы демалыс кезінде жасаған қамқорлық істері жайлы айтылады.«Балапан»әңгімесін оқу және жақсы істер жасауға талпындыру үшін мынадай сұрақтар қою:

*Арман мен Нұрлан балапанға қандай қамқорлық көрсетті?

*Сендер жазғы демалыс кезінде қандай қамқорлық істер жасай алдыңдар?

Түйіндеу:-Балалар, «Өзін-өзі тану»пәнінен үйренген адамгершілік құндылықтарын өмір жағдайларында пайдаланып,адамдарға және айналаға жасаған жақсылықтарыңа қуанып тұрмын.



Ойын «Мен қандай баламын?»ойыны ұйымдастырылады.

Шығармашылық жұмыс «Біз осылай өсеміз»тақырыбына әңгіме құрастыру.

Дәптермен жұмыс «Менің жазғы демалысым»тақырыбына шағын әңгіме жазу.

Қорытындылау Шеңбер құрып тұрып,шеңберді бойлай кезектесіп,жазғы демалыстағы өздеріңнің жақсы істерің туралы айтамыз.

Жүректен жүрекке Шеңбер құрып «Біз осылай өсеміз»әнін айту.

Өзін- өзі тану . 2-сынып

3-ші сабақ. 15- шіқыркүйек.2010- жыл.

Сабақтың тақырыбы: Көңіл күйімізді басқара білейік

Оқыту мен тәрбиелеудің міндеттері:

  • ЖАҒЫМДЫ ҚАРЫМ-ҚАТЫНАС ТУРАЛЫ ТҮСІНІК БЕРУ;

  • ӨЗІН-ӨЗІ ҰСТАЙ БІЛУ ІСКЕРЛІКТЕРІН ДАМЫТУ;

  • ҰСТАМДЫЛЫҚҚА,САБЫРЛЫЛЫҚҚА,РИЗАШЫЛДЫҚҚА ТӘРБИЕЛЕУ.

Мақсаты: «Махаббат», «бақыт» адамгершілік құндылықтары туралы түсініктерін кеңейту.

Көрнекі құралдар: Әр түрлі көңіл-күйді білдіретін суреттер.

Шаттық шеңбері Балаларды шеңберге шақыру.Олармен бірге қосылып «Кел,балалар күлейік» атты өлең шумақтарын қосылып айту.

Әңгімелесу Әңгімелесудің мақсаты-оқушылардың жағымды көңіл –күй,ұстамджы болу және әр-түрлі жағдайларда өзін ұстай білуі туралы ойларын тыңдап,өміріндегі мәнін түсіндіру.

Мәтінмен жұмыс «Бос қайық».Аңыз әңгіме. Оқушылар мәтінді оқып,сұрақтарға жауап береді.

*Аңызда адамның қандай көңіл-күйі сөз болды?

* Өздерің қандай қорытынды жасар едіңдер?

Жаңа ақпарат Жаңа ақпаратты талдау оқушылардың тақырыпқа байланысты өзкөзқарастарын қалыптастыруға негіз болады.Жақсыіс,жағымды әрекет,ізгі ниет,жылы сөз,жақсылық хабар қуаныштың адам өміріндегі маңызын түсінуге бағдар беру.

Тапсырма «Суреттегі балалардың бет бейнелеріне қарап,қандай көңіл-күйде тұрғанын әңгімелеп беру».

Қорытынды -Балалар,біздің бүгінгі сабағымыз «Көңіл-күйімізді басқара білейік»деп аталады.Бұл дегеніміз қандай жағдайда болмасын сабыр сақтап,өзімізді ұстай білуімізді және өзімізге,айналамызға қуаныш сыйлауымызды білдіреді.

Дәптермен жұмыс Ребусты шешу.(Шешуі: «Орынсыз ашу- от шашу»)

Жүректен жүрекке Балалар шеңберге тұрып, бүгінгі сабақтан алған әсерлерін айтып,өз көңіл-күйі қандай екенін сыныптастары алдында жария етеді.Мыс: «Менің көңіл-күйім көтеріңкі,өйткені жақсы көңіл күй қуаныш әкеледі».

Өзін- өзі тану . 2-сынып

4-ші сабақ. 22- шіқыркүйек.2010- жыл.

Сабақтың тақырыбы: Көңіл күйімізді басқара білейік

Оқыту мен тәрбиелеудің міндеттері:


  • ЖАҒЫМДЫ ҚАРЫМ-ҚАТЫНАС ТУРАЛЫ ТҮСІНІК БЕРУ;

  • ӨЗІН-ӨЗІ ҰСТАЙ БІЛУ ІСКЕРЛІКТЕРІН ДАМЫТУ;

  • ҰСТАМДЫЛЫҚҚА,САБЫРЛЫЛЫҚҚА,РИЗАШЫЛДЫҚҚА ТӘРБИЕЛЕУ.

Мақсаты: «Махаббат», «бақыт» адамгершілік құндылықтары туралы түсініктерін кеңейту.

Көрнекі құралдар: Әр түрлі көңіл-күйді білдіретін суреттер.

Шаттық шеңбері Оқушылар шеңбер құрып тұрады,сәлемдеседі.Өлең шумақтарын қосылып айтады.

Ризамыз саған біз.(Қ.Ыдырысов)

Күнде шат күліп күн Өміріміз жайдары.

Мәңгілік бақыттың Өзіміз- айғағы.

Дәйексөз Тақтаға Ш:Смаханұлының «Өмір деген жарыста,Шаттанғын,дос,қалыспа!»деген нақыл сөзін жазу.Дәйексөзді дәптерге жазу.

Жағдаяттарды талдау Оқушылардың сабақта үйренгендерін іс жүзінде көрсете алуға үйрету үшін жағдаяттарды шешу ұсынылады.Мұнда балалар «Өзіңнің,өзгенің көңілін қалай көтеруге болады деп ойлайсыңдар?»деген сауалға ойланады.Ол үшін оқулықта бірқатар суреттер берілген.Жағдаяттардың шешімін табу үшін осы суреттерді негізге алуларына болады.

Сахналау Балалар «Мен әртіспін»атты тақырыпта сахналық көрініс көрсетеді.Мұнда әр-түрлі көңіл-күйдің адамдарға оң және теріс әсерін көрсетуі мен жағымсыз күйлерді болдырмау мақсаты көзделеді.

Ойын Балалар «Менің көңіл-күйім қандай?»деген ойын ойнайды.

Мәтінмен жұмыс Сабақтың тақырыбын ашып түсіндіру мақсатында «Тиін мен қасқыр»мәтінін оқушыларға оқытады.Оқушылар мәтінді оқып,сұрақтарға жауап береді.

Назар аударыңдар Оқулықтағы «Назар аударайық»айдарымен мынадай түйіндеу берілген:

Жақсы көңіл күй-тез түсінісуге септігін тигізеді.

Жақсы көңіл күй-өзара сыйластыққа негіз болады.

Жақсы көңіл күй-достасуға көмектеседі. Балалар оқып мағынасына мән береді.



Қорытынды -Балалар,көңілді,қуанышты адамның жүзі де әдемі.Ал ашулы адамның жүзі адамды өзіне татпайды.Сондықтан қолдан келгенше ашулы сезімдерімізді ақылмен іштей жеңіп,көңілді жүргеніміз дұрыс.Ол біздің адамдарға,айналаға деген сүйіспеншілігімізді оятады және бақытты өмір сүруімізге көмектеседі.

Дәптермен жұмыс Оқушыларға дәптермен жұмыс жолдарын түсіндіру.

Тапсырма Балалардың суреттеріне қарап ,олардың көңіл-күйлерін табиғатпен салыстырып жазу.Мыс:жымиып тұрған қыз суреті-күлімдеген күндей.

Жүректен жүрекке Жақсы көңіл-күй адамдарды достыққа,сыйластыққа,жақсылыққа жетелейтінін ұғындыру.Е.Өтетілеуовтың «Көңілді балалар әні»өлеңімен сабақты аяқтау.

Өзін- өзі тану . 2-сынып

5-ші сабақ. 29- шы қыркүйек.2010- жыл.

Сабақтың тақырыбы: Оқуға құштарлық

Оқыту мен тәрбиелеудің міндеттері:

  • Оқу-білімнің адам өміріндегі маңызы туралы түсінік беру;

  • Оқуға,білім алуға деген ынталарын дамыту;

  • Кітаптарды қадірлеуге,еңбекті сүюге тәлбиелеу.

Мақсаты: «Махаббат», «білім» адамгершілік құндылықтары туралы түсініктерін кеңейту.

Көрнекі құралдар: Оқулық,дәптер,үлкен ватман қағаз,түрлі-түсті қағаздар,қайшы,үнтаспа. Әр түрлі көңіл-күйді білдіретін суреттер.

Шаттық шеңбері Оқушылар шеңбер құрып тұрады,сәлемдеседі.Үнтаспадан «Бақытты балалық шақ»әнін оқушылармен бірге қосылып айту.

Әңгімелесу Тақырыптың мақсатын ашу үшін оқулықта «Ойнайық,пікірлесейік»айдарымен берілген сұрақтар бойынша әңгіме жүргізіледі:

  • Адамға білім не үшін қажет?

  • Оқу кезінде қандай қиындықтар кезігеді?

  • Оларды қалай жеңуге болады деп ойлайсыңдар?

  • Білімді болу үшін адамға қандай қасиеттер қажет деп ойлайсыңдар?

  • Мәтінмен жұмыс Аңыз әңгімедегі Әлімнің «Мен оқуым керек»деген өз мақсатына қалай жеткенін және оның үлкен ғалым болғанын мысалға ала отырып,балалардың оқуға құштарлығын арттыру. «Табанды бала»аңыз әңгімені оқу.

  • Бала өз мақсатына қалай жетті?

  • Баланың ғалым болуына қандай қасиеттері көмектесті?

Жаңа ақпарат Оқулықта берілген «Жаңа ақпарат»арқылы балалардың оқуға деген құштарлығын нақтылай түсу:

Білім алу қызығушылық,еңбекқорлық және табандылық танытуды қажет етеді.

Білім адам игілігіне қызмет етеді.

Дәптермен жұмыс –Бақытты балалар елінің суреті арасынан жазу жазылатындай етіп бос қалдырған жолдарға олардың бақытты болуына нелер көмектесетінін жазу.Балалар тапсырманы орындайды,орындап біткен соң жария етеді.

Жүректен жүрекке Балалар бір-біріне білім алудың маңыздылығын білдіретін тілек айтумен қорытындылайды.

Өзін- өзі тану . 2-сынып

6-шы сабақ. 6- шы қазан.2010- жыл.

Сабақтың тақырыбы: Оқуға құштарлық

Оқыту мен тәрбиелеудің міндеттері:


  • Оқу-білімнің адам өміріндегі маңызы туралы түсінік беру;

  • Оқуға,білім алуға деген ынталарын дамыту;

  • Кітаптарды қадірлеуге,еңбекті сүюге тәлбиелеу.

Мақсаты: «Махаббат», «білім» адамгершілік құндылықтары туралы түсініктерін кеңейту.

Көрнекі құралдар: Оқулық,дәптер,үлкен ватман қағаз,түрлі-түсті қағаздар,қайшы,үнтаспа. Әр түрлі көңіл-күйді білдіретін суреттер.

Шаттық шеңбері Жаңа сабақты бастағанда әр баланың жағымды көңіл-күйін қалыптастыру мақсатында шаттық шеңберін ұйымдастыру. Балалармен бірге «Кел,билейік» әнін қосылып айту.

Тапсырма Оқушыларға білімнің көзі кітапта екенін және оқуға деген балалардың қызығушылығын арттыру мақсатында Е.Ашықбаевтың өлеңін тапсырма ретінде ұсыну.Балалар сұрақтарға жауап береді:

*Неліктен кітапты «ұстаз»деп атаймыз?

*Кітаппен қалай дос болуға болады?

Назар аударыңдар Оқулықта Алпамыс пен Махаббаттың атынан ұсынылған тұжырымдамаларға жеке-жеке талдау жасалынады:

Білім- өзіңді өзіңді танытады. Білім-өмірді түсінуге көмектеседі.

Білім-табиғат құпияларын ашады. Білім-болашаққа жетелейді.

Дәйексөз Балалардың жауаптары сабақтың дәйексөзімен түйінделеді.Тақтаға «Оқусыз білім жоқ,білімсіз күнің жоқ»деген халық мақалын жазып қою.Мақалдың мәнін түсіндіру.

Тапсырма Сабақта алған білімдерін пысықтай түсу үшін мынадай тапсырма беріледі,оның орындалу жолдары түсіндіріледі.Оқулықта берілген мақал-мәтелдердің мағынасын түсініп,жаттап алу.

Дәптермен жұмыс Берілген суреттерді пайдаланып,сөзжұмбақты шешу.

Жүректен жүрекке Шеңбер аясында Ә.Дүйсенбиевтің сөзіне жазылған И.Нүсіпбаевтың «Ақылшым-мұғалім» әнін бірігіп айту.

Өзін- өзі тану . 2-сынып

7-ші сабақ.13 - ші қазан.2010- жыл.

Сабақтың тақырыбы: Менің ұстаздарым

Оқыту мен тәрбиелеудің міндеттері:


  • Оқушыларға мұғалімнің,ата-ананың,үлкндердің,кітаптың өмірдегі «ұстаздары»екендігін түсіндіру;

  • Мұғалім еңбегіне сүйіспеншілігін,кітап оқуға қызығушылықтарын арттыру;

  • ұстазарды қадірлеуге,бағалауға,сыйлап-құрметтеуге тәрбиелеу.

Мақсаты: «Білім», «еңбек», «сыйластық» адамгершілік құндылықтары туралы түсініктерін кеңейту.

Көрнекі құралдар: Үнтаспа,түрлі-түсті қарындаштар.

Шаттық шеңбері Шеңбер құрып тұру,сәлемдесу.Үнтаспаға қосылып, «Жарқын жүзді ұстазым»әнін бірігіп айту.

Әңгімелесу Мұғалім мен оқушы арасындағы қарым-қатынасты дамыту мақсатында әңгімелесу.Ол үшін мынадай әңгімелесу сұрақтары қойылады:

-Ұстаз деп кімдерді айтамыз?

-Сендер кімдерді өздеріңе ұстаз санайсыңдар?

-Ұстаздарыңды қалай қуантар едіңдер? Мұғалім жауаптарды тыңдап, қорытынды жасайды.

Ойын «Жас тілші»атты рөлдік ойында балалар «Айгөлек»журналының жас тілшілері рөлінде мұғалімнен сұхбат алады.Мұғалім ойын соңында осы мамандықты не үшін таңдағаны туралы айтып береді.

Мәтінмен жұмыс Оқушылардың ұстаз еңбегіне деген құрметін арттыра түсу мақсатында,өлең оқу ұсынылады.Оқушылар өлең оқып,ондағы негізгі ойға мән беріп,берілген сұраққа жауап береді.

*Өлеңде ұстаз кімді айтып отыр?

* Өлеңде ұстаз бойындағы қандай жақсы қасиеттер айтылған?

Тапсырма Ұстаз туралы ой-пікірлерді толықтау және оқушылардың өз пайымдауларын байқау үшін «Суретке қарап, ұстаздық еңбек туралы айтып беріңдер»-деген тапсырма беріледі.

Жаңа ақпарат Оқулықта берілген «Жаңа ақпаратты»талдау арқылы ұстаздың адам өміріндегі маңызы түсіндіріледі.

Мәтінмен жұмыс «Өнерлі жігіт» аңызы негізінде әңгімелеу ұйымдастырылады.

Қорытындылау Оқушылардың сабақтан алған білімдерін төмендегідей түйіндеуге болады:


  • Ұстаз-тек оқу,жазу үйретіп,білім беретін мұғалім ғана емес.Ол қиналған сәтте қол ұшын беретін көмекші,қамқор,іздеген сұраққа,бастаған іске ақыл-кеңес беретін ақылшы,бірге еңбек ететін сенімді дос бола алады.

Дәптермен жұмыс Оқушылар тапсырманы дәптерге орындайды, орындап біткен соң жария етеді.

Тапсырма «Менің ұстазым»тақырыбына шағын әңгіме жазу.

Жүректен жүрекке Балалар мұғалімді ортаға алып,өз тілектерін арнап,ұстаздарымен қосылып ән айтады.

Өзін- өзі тану . 2-сынып

8-ші сабақ.20 - шы қазан.2010- жыл.

Сабақтың тақырыбы: Менің ұстаздарым

Оқыту мен тәрбиелеудің міндеттері:

  • Оқушыларға мұғалімнің,ата-ананың,үлкндердің,кітаптың өмірдегі «ұстаздары»екендігін түсіндіру;

  • Мұғалім еңбегіне сүйіспеншілігін,кітап оқуға қызығушылықтарын арттыру;

  • ұстазарды қадірлеуге,бағалауға,сыйлап-құрметтеуге тәрбиелеу.

Мақсаты: «Білім», «еңбек», «сыйластық» адамгершілік құндылықтары туралы түсініктерін кеңейту.

Көрнекі құралдар: Үнтаспа, жүрекше пішіндегі ашық хат,фольга,түрлі-түсті қағаздар.

Шаттық шеңбері Шеңбер құрып тұру,сәлемдесу. Бір-біріне тілектер айту.

Тапсырма Төменде айтылған сөздерді түсіндіру.Бұл тапсырманы біреудегі мақсат-оқушылардың мұғалім еңбегін түсініп,бағалай білуге ықпал ету.Тапсырманың орындалуын сынып алдында жария етеді.

Дәйексөз Тақтаға «Ұстазы жақсының,ұстамы жақсы»деген мақалды жазу.Мақалдың түсінігін сұрау.Балалардың жауаптарына қорытынды жасау.

Мәтінмен жұмыс Балаларға Ы.Алтынсариннің «Бақша ағаштары»әңгімесін айтып беру.

-«Ата-анасының,үлкендердің айтқан ақылын тыңдап өскен бала жақсы азамат болып өседі»деген өнегелі сөзбен түйіндеу.



Тапсырма «Суреттерге қарап, «Менің ұстаздарым»тақырыбына әңгіме құрау»

Назар аударыңдар Оқулықта ұстаз туралы Алпамыс пен Махаббаттың атынан берілген үзіндіге балалардың көңілін аударту:

Ұстаз біліммен сусындатады;

Ұстаз тәлім-тәрбие береді;

Ұстаз өмір қиындықтарын жеңуге баулиды;

Ұстаз табиғатты танып білуді меңгертеді;

Ұстаз адамдарды түсінуге үйретеді:



Шығармашылық жұмыс «Түнгі аспан»жұмысын орындау.

Дәптермен жұмыс Берілген сөздерді орындарына қойып,сөзжұмбақты шешу.

Қорытындылау -Иә,шәкірттеріңнің тек қана жақсы жақтарынан көрінуі,үлкн жетістіктерге жетуі-ұстаз үшін үлкен қуаныш.

Жүректен жүрекке Мұғалім сағаттың қос тіліндей екі қолын екі жаққа созып ортаға тұрады.Балалар сағаттың тілімен оңға қарай қозғалыспен бірінен кейін бірі алақаны арқылы ұстаздан жылу алады.Әр бала алақанын ұстаздың алақанына тигізіп тұрып,алғыс білдіреді.Мыс: «Білім бергеніңіз үшін рахмет! Оқуға үйреткеніңіз үшін рахмет!Ақылдылыққа жетелегеніңіз үшін рахмет!Жақсылыққа,әдептілікке,мейірімділікке,имандылыққа тәрбиелегеніңіз үшін рахмет!»

Өзін- өзі тану . 2-сынып

2-ші тарау. Адами қарым-қатынасқа үйренейік.

9 шы-сабақ.27- ші қазан.2010- жыл.

Сабақтың тақырыбы: Үлкенге –құрмет,кішіге -ізет.

Оқыту мен тәрбиелеудің міндеттері:

Мақсаты: «Сыйластық», «құрмет», адамгершілік құндылықтары туралы түсініктерін кеңейту.

Көрнекі құралдар: Дәптер,оқулық,ақ қағаздар.

Шаттық шеңбері Жақсылықты үйреніп,жамандықтан жиренуді ұғындыру мақсатында төмендегі өлең жолдарын балалармен бірге қайталап шаттық шеңберін ұйымдастыру:

Жақсылықтан үйреніп, Жамандықтан жиреніп,

Боламыз біз жақсы адам. Үлгі аламыз жақсыдан.



Әңгімелесу

* Өзіңді,өзгені құрметтей білесің бе?

*Өзара сыйластыққа қалай жетуге болады?

* Достарыңмен арада қандай сыйластық бар?

Балалардың өз ойларын еркін айтуына және сыйласымды қарым-қатынас жасау адамның өзіне байланысты екенін түсіндіру.

Мәтінмен жұмыс Әңгімені оқып,талдау барысында адамның әр ісінде, жүріс-тұрысында сыйластық қажет екенін ұғындыру. «Үш дос» М.Төрежанов.


  • Балалар неліктен бірге ойнай алмады?

  • Бір-бірімен сыйластықта болу үшін адамның бойындақандай қасиеттер болу керек?

Ойын-жаттығу. «Құрмет-ізет» Сабақтан түйген ойлар ойын-жаттығу және рөлдік орындаулар арқылы пысықталады.

Жаңа ақпарат Адамдар бір-бірін сыйлап,түсіне білсе,жақсы қарым-қатынас жасауға қол жеткізеді.Өзара сыйластық достыққа әкеледі.Өмірде адамдар бір-бірін кешіре,түсіне білгенде ізгілікке жетуге болатынын өзара сыйластық қана достыққа әкелетініне назар аудару.

Дәптермен жұмыс

1-тапсырма. «Менің айтар ақылым».Бос жолдарға үйдегі қарындасыңа(сіңілі),ініңе арнап хат жазу;

2-тапсырма. «Менің тыңдар ақылым».Үйдегі үлкндердің өзіңе айтатын ақылдарын жазуға ұсыныс жаса.

Жүректен жүрекке Оқушылар осы сабақтан алған әсерлерін төмендегі өлең жолдарын бірге айтып,сабақ аяқталады.

Құрметтеп ата-анамды, Бәрін де жақсы көремін,

Ардақтап әпке, ағамды, Үнемі көмек беремін.

Қамқор боп сіңілі,ініме, Үлкенді сыйлау-кішілік,

Сыйлымын үлкен-кішіге. Үлгілі мінез-кісілік.

Өзін- өзі тану . 2-сынып .1-тоқсан

10 шы-сабақ.3- ші қараша.2010- жыл.

Сабақтың тақырыбы: Үлкенге –құрмет,кішіге -ізет.

Оқыту мен тәрбиелеудің міндеттері:


  • Үлкендер мен кішілер арасындағы сыйластықты түсіндіру;

  • Сыйластықты қарым-қатынас жасау іскерліктерін дамыту;

  • Үлкендерді сыйлауға,кішілерге қамқор болуға тәрбиелеу.

Мақсаты: «Сыйластық», «құрмет», адамгершілік құндылықтары туралы түсініктерін кеңейту.

Көрнекі құралдар: Дәптер,оқулық,ақ қағаздар.

Шаттық шеңбері Сыйластық,құрмет ұғымдарының отбасынан басталатынын ұғындыру мақсатында М.Керейбаевтың әнін балалармен қосылып айтып,шаттық шеңберін ұйымдастыру.Балалардың үлкендерді сыйлауға және үлкендермен кішілер арасындағы сыйластықты түсіндіру мақсатында мынадай сұрақтар қою:

  • Ата,әжелерің сендерге қандай ақыл кеңестер айтады?

  • Сендер әжелеріңе қандай құрмет көрсетесіңдер?

Тапсырма Балаларға өздерінің ерекше сыйлайтын адамдары туралы және оның қандай ісі,қасиеттері сыйлауға лайық екенін айтып беру үшін тапсырма беріп,олармен ой бөлісуге ұсыныс жасау.

Жағдаяттарды шешу Оқушылардың адамгершілік құндылықтарын бекіте түсу үшін жағдаяттармен жұмыс жүргізу.Оқулықтағы берілген суреттерге оқушылардың назарын аударып,немесе тақтаға сюжетті суреттер іліп,жағдаяттарды шешу жолдарын түсіндіру.



Мәтінмен жұмыс «Рахмет,ата»деген оқулықта берілген әңгімені оқып,талдау барысында әр адамның атқарған ісінде,жүріс-тұрысында сыйластық пен үлкенді құрметтеу болатынын оқушылардың өздерінің пайымдауына бағыт беру.

Сахналау «Кісілік-кішілік»өлеңін рөлдерге бөліп орындау.

Тыныштық сәті Баланың өзінің ішкі көңіл-күйіне үңілуге,оның табиғатпен байланысын сезінуге мүмкіндік беретін тыныштық сәті ұйымдастырылады.

Шығармашылық жұмыс Балалардың суреттерге қарап,кімді не үшін құрметтеу керектігін баяндап беруді ұсыну.Балалар бұл шығармашылық жұмысты орындау барысында сыйластық,құрмет ұғымдарының мәнін түсінеді.Өз пікірлерін ашық айтады.
  1   2   3


©tilimen.org 2016
әкімшілігінің қараңыз

    Басты бет